Սիրիական հեռուստատեսությունը հայտարարել է ԻՊ-ի պարագլուխ Աբու Բաքր ալ-Բաղդադիի մահվան մասին  

17:28 • 11.06.17

 

Սիրիայի պետական հեռուստաընկերությունը կիրակի առավոտյան հայտարարել է, որ «Իսլամական պետություն» ահաբեկչական խմբավորման պարագլուխ Աբու Բաքր ալ-Բաղդադին սպանվել է Սիրիայում խմբավորման կենտրոնակայանի ուղղությամբ հասված հրետանային հարվածի հետևանքով:

Ինչպես տեղեկացնում է Jerusalem Post-ը, սիրիական լրատվամիջոցի հաղորդմամբ` աշխարհի թիվ մեկ ահաբեկիչն սպանվել է շաբաթ, թեև այս տեղեկությունը դեռևս չի հաստատվել խմբավորման ներկայացուցիչների կողմից:

Հաղորդվում է, որ շաբաթ տեղի ունեցած ավիահարվածի հետևանքով առնվազն 7 ահաբեկիչ է սպանվել:


 Ալ-Բաղդադիի մահվան մասին լուրեր նախկինում ևս հաղորդվել են, սակայն ավելի ուշ հերքվել են:

 Անցյալ տարի ԱՄՆ-ն հայտարարել էր, որ մեծացնում է Ալ-Բաղդադիի գլխագինը` հասցնելով այն 25 մլն դոլարի: