Նեթանյահուն շահել է իրեն մեքենայից ոտքով դուրս հրելու մասին գործով դատը

17:08 • 12.06.17

Իսրայելի վարչապետ Բինյամին Նեթանյահուն ու նրա կինը շահել են իրենց դեմ ներկայացված զրպարտիչ դատական գործը, որի շրջանակում հրեա լրագրողը պնդում էր, որ բուռն վեճերից մեկի ժամանակ Սառա Նեթանյահուն ոտքով հարվածել է վարչապետին ու նրան մեքենայից դուրս հանել:

Ինչպես նշում է Al Arabiya-ն, դատարանը պարտավորեցրել է լրագրող Իգալ Սառնային Նեթանյահու ամուսիններին 32.500 դոլար փոխհատուցում վճարել նրանց զրպարտելու համար:

Մինչդեռ վարչապետը վկայություն տալու ժամանակ ասել է, որ նման միջադեպ տեղի չի ունեցել:

«Նա հատեց թույլատրելիի սահմանը: Դա անհեթեթ սուտ է»,-ասել է Նեթանյահուն:

Աղբյուրը նկատում է, որ սա առաջին անգամ չէ, երբ վարչապետն ու նրա կինը հայտնվում են սկանդալների կենտրոնում: Ներկայում ոստիկանությունը հետաքննություն է սկսել այն մեղադրանքի առնչությամբ, որի համաձայն Սառա Նեթանյահուն պետական միջոցները ծախսում է անձնական կարիքների համար: