Ադրբեջանում ցեխային հրաբուխ է ժայթքել
Ադրբեջանում ժայթքել է մայրաքաղաք Բաքվից մոտ 12 կմ հեռավորության վրա գտնվող Կեյրյակի ցեխային հրաբուխը, որի ժայթքումը շարունակվել է 15 րոպե, հայտնում է ադրբեջանական ԱՊԱ գործակալությունը:
Աղբյուրը մանրամասնում է, որ ժայթքած նյութերը տարածվել են հյուսիսային, հյուսիս-արևելյան և արևելյան ուղղություններով՝ ընդհանուր 3.5 հա տարածության վրա: Ժայթքած նյութերից գոյացած շերտի հաստությունը եղել է մոտ 3 մ:
Նշվում է, որ հրաբխի մերձակայքում գտնվող բնակավայրերը չեն տուժել: Միևնույն ժամանակ, մեծ է հավանականությունն առ այն, որ տեկտոնական գոտում գտնվող մյուս ցեխային հրաբուխները ևս կարող են ակտիվանալ:
Կեյրյակի հրաբուխը ժայթքել է 18 անգամ: Դրա վերջին ժայթքումը տեղի է ունեցել 2014թ.:










