Ալավերդիում տեղի ունեցած սպանության վայրում «Մակարով» տեսակի ատրճանակ ու պարկուճներ են հայտնաբերվել

15:16 • 13.06.17

Լոռու մարզի Ալավերդի քաղաքում տեղի ունեցած սպանության վայրից հայտնաբերվել է մի քանի պարկուճ և «Մակարով» տեսակի ատրճանակ:

Այս մասին Tert.am-ի հետ զրույցում ասաց ՀՀ քննչական կոմիտեի նախագահի խորհրդական Սոնա Տռուզյանը:

Հարցին, թե արդեն հարուցվե՞լ է քրեական գործ, Սոնա Տռուզյանն ասաց.« Այս պահին դեպքի վայրում է աշխատում քննչական խումբը, կատարվում է քննություն: Դեպքի վայրում  հայտնաբերվել է «Մակարով» տեսակի ատրճանակ ու մի քանի պարկուճ»,-ասաց Սոնա Տռուզյանը, հավելելով, որ կասկածյալը բերման է ենթարկվել:

Հիշեցնենք, որ ավելի վաղ Ոստիկանությունից հայտնել էին, որ այսօր՝ ժամը 12:00-ի սահմաններում Ալավերդի քաղաքի Թումանյան  փողոցում մի քաղաքացի կրակոցներ է արձակել և  սպանել 1978-ին ծնված Կ.Փ.-ին: Տարածքում ծառայող ոստիկանները կասկածյալին բերման էին ենթարկել: