Թերեզա Մեյը պահպանողականներին հայտնել է, որ իր պաշտոնում կմնա այնքան ժամանակ, որքան նրան կցանկանան տեսնել այնտեղ
Մեծ Բրիտանիայի վարչապետ Թերեզա Մեյը պահպանողական թիմակիցներին հայտնել է, որ իր պաշտոնում կմնա այնքան ժամանակ, որքան նրան կցանկանան տեսնել այնտեղ, հաղորդում է Business Insider-ը:
Ընտրությունների արդյունքներից հետո, որոնց ժամանակ պահպանողականները չկարողացան բացարձակ մեծամասնություն հավաքել, երկրում իսկական քաղաքական ճգնաժամ է սկսվել:
«Ես եմ այն մարդը, որը ձեզ ներքաշել է այս խառնաշփոթի մեջ, և միևնույն ժամանակ ես եմ այն մարդը , որը պատրաստվում է ձեզ այնտեղից դուրս բերել»,- հայատարարել է նա՝ ավելացնելով, որ վարչապետի պաշտոնում կմնա այնքան, որքան կուսակիցները կցանկանան իրեն տեսնել:
Մեյը նաև ներողություն է խնդրել արտահերթ ընտրություններ անցկացնելու իր սխալի համար, սակայն միևնույն է վարչապետի պաշտոնը պահպանելու հույս ունի, հայտնում են բրիտանական լրատվամիջոցները:










