Թրամփն առաջին անգամ իր ծննդյան օրը կնշի Սպիտակ տանը՝ ԱՄՆ նախագահի կարգավիճակում

06:37 • 13.06.17

Դոնալդ Թրամփն առաջին անգամ իր ծննդյան օրը կնշի Սպիտակ տանը՝ ԱՄՆ նախագահի կարգավիճակում: 

Ինչպես հայտնում է USA Today-ը, հունիսի 14-ին լրանում է Թրամփի 71-ամյակը: Միացյալ Նահանգների առաջին տիկին Մելանյա Թրամփն այդ կապակցությամբ կոչ է արել ամուսնու «բոլոր հավատարիմ ընկերներին միասին անմոռանալի դարձնել Դոնալդի ծննդյան տարեդարձը»:

Հիշեցնենք, որ այսօր Մելանյա Թրամփը 11-ամյա որդու՝ Բարոնի հետ Նյու Յորքից տեղափոխվել է Վաշինգտոն, որտեղ ամուսնու հետ կապրի նախագահական նստավայրում՝ Սպիտակ տանը:

«Անհամբեր սպասում եմ հիշողություններին, որոնք մենք կունենանք նոր տանը»,-Twitter-ում գրել է առաջին տիկինն ու կից լուսանկար հրապարակել:

Ինչպես նշում է The Daily Mail-ը, 47-ամյա տիկին Թրամփի հետ Սպիտակ տուն են տեղափոխվել նաև նրա մայրն ու հայրը՝ Ամալյա ու Վիկտոր Կնավասները: