Սան Ֆրանցիսկոյի զբոսայգում կրակոցների հետևանքով 3 մարդ է վիրավորվել

09:26 • 04.08.17

Սան Ֆրանցիսկոյում կրակոցների հետևանքով երեք մարդ է վիրավորվել, հայտնում է Associated Press-ը: Միջադեպը տեղի է ունեցել Դոլորես զբոսայգում, երբ այնտեղ զգալի թվով այցելուներ են եղել:


Ականատեսների խոսքերով՝ կամրջի վրա գտնվող մի քանի տղամարդ սկսել է սպառնալիքներ բացականչել: Նրանցից մեկը վերցրել է զենքը և սկսել կրակել մարդկանց վրա:


Նշվում է, որ նրանց դեմքերը, բացի աչքերից, փակ է եղել:


Վիրավորներից մեկը ծանր վիճակում է:


Դոլորես զբոսայգին հայտնի վայր է տեղի բնակիչների և զբոսաշրջիկների շրջանում:


Հաղորդվում է, որ կրակողին հաջողվել է փախչել դեպքի վայրից:


Սան Ֆրանցիսկոյի ոստիկանությունը խորհուրդ է տվել մարդկանց հեռու մնալ զբոսայգուց, բայց երկու ժամ անց վերացրել է այդ նախազգուշացումը: