Ստամբուլի հյուրանոցներն ավելի քան 1 միլիարդ եվրո են կորցրել
Ստամբուլի հյուրանոցների հասույթն այս տարվա առաջին կիսամյակում նվազել է ավելի քան 1 միլիարդ եվրոյով՝ 2015 թվականի նույն ժամանակահատվածի համեմատ: Այդ մասին հայտնում է Ռուսաստանի տուրօպերատորների ասոցիացիան, գրում է lenta.ru-ն:
Հյուրանոցներում համարի եկամուտը 2016 թվականի հունվար-հունիսի 39,4 եվրոյից նվազել է 32,7 եվրոյի՝ 2017 թվականի նույն ժամանակահատվածի համար: Ընդ որում՝ հյուրանոցների զբաղվածությունը 49,2-ից հասել է 53,3 տոկոսի:
Հայտնի է դարձել նաև, որ Ստամբուլի հյուրանոցային համարների գները նվազել են: Այս տարվա առաջին կիսամյակում միջին գինը կազմել է 71,1 եվրո, 2016 թվականի հունվար-հունիսին համարի արժեքը կազմել է մոտ 86,2 եվրո:
Ստամբուլ զբոսաշրջային հոսքն աննշան նվազել է: Հունվարից հունիս ընկած ժամանակահատվածում քաղաք է այցելել մոտ 4,4 միլիոն օտարերկրացի զբոսաշրջիկ, ինչը 1,3 տոկոսով քիչ է 2016 թվականի նույն ժամանակահատվածում գրանցված ցուցանիշի համեմատ:
«Ցավոք, անվտանգության խնդիրները և այլ վտանգներ մնում են Ստամբուլի հյուրանոցների գնագոյացման վրա ազդող գործոններ»,- հայտարարել է Թուրքիայի հյուրանոցների ասոցիացիայի նախագահ Թիմուր Բայընդըրը:










