ԵԱՏՄ-ն Ռուսաստանի քաղաքական նախագիծը չէ. ՌԴ առաջին փոխվարչապետ

12:41 • 22.08.17

Ռուսաստանի առաջին փոխվարչապետ Իգոր Շուվալովը հայտարարել է, որ Եվրասիական տնտեսական միությունը Մոսկվայի քաղաքական նախագիծը չէ՝ նշելով, որ միավորման հիմքը կազմում է տնտեսական ինտեգրումը, հայտնում է «ՌԻԱ Նովոստի»-ն:


«Աշխարհում և միության ներսում շատերը մինչև վերջ չեն հասկանում, թե դա ինչ միավորում է, և հակված են նրան, որ մեզ պարտադրեն միության՝ որպես քաղաքական նախագծի մասին պատկերացումը, և խոսում են այն մասին, որ դա Ռուսաստանի Դաշնության քաղաքական նախագիծն է… Այդ պատճառով ցանկացած շահարկում այն առնչությամբ, թե դա պարտադրված է Ռուսաստանի կողմից կամ որ այդ նախագծի հիմքը քաղաքական է, սուտ է»,- ասել է նա «Իսիկ-Կուլ-2017» տնտեսական համաժողովի ժամանակ:


Բացի այդ, Շուվալովը պատմել է առևտրային համաձայնագրերի հարցով առանձին երկրների հետ բանակցությունների մասին:


Նա հստակեցրել է, որ Իրանի հետ ազատ առևտրի գոտու ստեղծման գործընթացը «բարդ» է ընթանում, սակայն «հարկավոր է հնարավորինս արագ ավարտել բանակցությունները»: