Իտալիայում լեհ զբոսաշրջուհին խմբակային բռնաբարության է ենթարկվել
Իտալական Ռիմինի քաղաքի ոստիկանությունը որոնում է չորս մարդու, որոնք կասկածվում են լեհ զբոսաշրջուհուն բռնաբարելու և նրա ամուսնուն ծեծի ենթարկելու համար: Այս մասին հայտնում է ANSA-ն:
Աղբյուրի հաղորդմամբ՝ ամուսնական զույգը հարձակման է ենթարկվել տեղական ժամանակով ժամը 4:00-ին լողափում: Հարձակվողները ծեծի են ենթարկել ամուսնուն, այնուհետև բռնաբարել նրա կնոջը: Տուժածներին հայտնաբերել են պատահական անցորդները, որոնք շտապօգնություն և ոստիկանություն են կանչել: Ծանր վնասվածքներ ստացած ամուսինները հոսպիտալացվել են:
Իրավապահ մարմինների աշխատակիցների վարկածի համաձայն՝ հարձակվողները ալկոհոլի և թմրանյութերի ազդեցության տակ են եղել: Դրանից բացի, ոստիկանների կարծիքով՝ նրանք կարող են ներգրավված լինել նմանատիպ հարձակման մեջ, որի զոհ է դարձել պերուացի տրանսսեքսուալը:
TVN 24 հեռուստաալիքի ենթադրմամբ՝ հանցագործությունը կարող են իրականացրած լինել ծագումով հյուսիսաֆրիկացիները:










