Անօդաչու թռչող սարքից արված կադրերը ցույց են տալիս «Հարվիի» ավերածությունները (տեսանյութ, լուսանկարներ)
Անօդաչու թռչող սարքից արված կադրերը ցույց են տալիս ամերիկյան Տեխաս նահանգին պատուհասած «Հարվի» փոթորկից առաջացած ավերածությունները՝ ավերված տների և ջրի տակ հայտնված ճանապարհների պատկերներով, հայտնում է CNN-ը:
Ամերիկյան Տեխաս նահանգում արդեն երեք օր շարունակվող փոթորկի հետևանքով զոհերի թիվը հասել է հինգի:
Վերջին 50 տարվա ընթացքում նահանգում գրանցված ամենաուժեղ փոթորկի ընթացքում ավելի քան 1000 մարդ է տարհանվել Հյուսթոն քաղաքի շուրջ գտնվող տարածքից: Հյուսթոնը հայտնվել է աղետալի ջրհեղեղի տակ: Որոշ վայրերում վերջին 72 ժամվա ընթացքում մեծ քանակությամբ տեղումներ են գրանցվել, և ըստ օդերևութաբանների կանխատեսումների՝ անձրևները շարունակվելու են մինչև ուրբաթ:
Հյուսթոնի արտակարգ ծառայություններն արձագանքել են բնակիչների հազարավոր օգնության կանչերի:
Իշխանությունները մարդկանց կոչ են արել չվերադառնալ Արանզաս շրջան, որին ավելի վաղ հարվածել է փոթորիկը: Արտակարգ ծառայությունները շարունակում են այնտեղ որոնել կորած անձանց:
















