Elle ամսագրի՝ Բրիջիտ Մակրոնի լուսանկարով համարը վաճառքի ռեկորդ է սահմանել

14:17 • 28.08.17

Ֆրանսիայի նախագահի կնոջ՝ Բրիջիտ Մակրոնի լուսանկարով Elle ամսագրի համարը վաճառքի տասնամյա ռեկորդ է սահմանել, հայտնում է Journal du Dimanche-ը:


Էմանուել Մակրոնի կինը բացառիկ հարցազրույց է տվել, որի ընթացքում պատմել է առաջին տիկնոջ պաշտոնին իր զգացողությունների, ինչպես նաև իր ամուսնու հետ սիրո պատմության և տարիքային տարբերության մասին:


Համարը թողարկվել է օգոստոսի 18-ին: 10 օրվա ընթացքում վաճառվել է ավելի քան 530 հազար օրինակ: Հարցազրույցի առցանց տարբերակն ունեցել է ավելի քան 30 միլիոն դիտում, իսկ Twitter-ում հոդվածը տարածել է մոտ 3,5 միլիոն մարդ:


Հոդվածը տարածում է գտել նաև Ֆրանսիայի սահմաններից դուրս, մասնավորապես՝ հատուկ հետաքրքրության է արժանացել այն Գերմանիայի և ԱՄՆ-ի բնակիչների շրջանում: