Տաջիկստանում օդանավակայանի տնօրենը մահացել է նախագահի ուղղաթիռը ճանապարհելիս

12:52 • 14.09.17

Տաջիկստանի Խորոգ քաղաքի օդանավակայանի տնօրենը մահացել է երկրի նախագահ Էմոմալի Ռահմոնին ճանապարհելիս, այս մասին գրում է lenta.ru-ն: 

Բանն այն է, որ Դիլդոր Մաքսուդշոևը, որն անձամբ է ճանապարհել պատվավոր հյուրին, շատ մոտ է կանգնած եղել օդ բարձրացող ուղղաթիռին, ինչի արդյունքում քամու պատճառով ընկել է ու գլուխը հարվածել քարին:

Մաքսուդշոևը մահացել է հիվանդանոցի ճանապարհին:

Հայտնի է, որ Տաջիկստանի նախագահի ուղղաթիռը Խորոգ քաղաքից ուղևորվում էր մայրաքաղաք Դուշանբե: Թե ինչպես է արձագանքել նախագահն օդանավակայանի տնօրենի մահվանը՝ հայտնի չէ: