Ինդոնեզիայում կանխվել է երկրի նախագահի դեմ ահաբեկչական հարձակումը
Ինդոնեզիայում ոստիկանները ձերբակալել են «Իսլամական պետություն» ահաբեկչական խմբավորման հետ կապ ունեցող Jemaah Ansharut Daulah խմբավորման անդամներից մեկին, որը հարձակում էր ծրագրել երկրի նախագահ Ջոկո Վիդոդոյի դեմ:
Ինչպես հայտնում է straitstimes.com-ը, 31-ամյա գրոհայինի մոտ հայտնաբերվել է 5 «Մոլոտովյան կոկտեյլ», դանակ, սթրայքբոլի համար նախատեսված ատրճանակ, ինչպես նաև ծայրահեղական կոչերով գրություն:
Հայտնի է, որ տղամարդը ձերբակալվել է սեպտեմբերի 18-ին՝ Արևմտյան Ճավա նահանգի Չիրեբոն քաղաքի օդանավակայանում: Երկրի նախագահն այդ նահանգ էր այցելել մշակութային միջոցառման մասնակցելու համար:
Աղբյուրը նկատում է, որ վերջին շրջանում սա ահաբեկիչների կողմից նախագահի դեմ հարձակման 2-րդ փորձի կանխումն էր:










