«Արևմուտք-2017» զորավարժություններին ուղղաթիռը պատահմամբ հրթիռներով հարվածել է հանդիսատեսին, երկու մարդ վիրավորվել է (տեսանյութ)

12:59 • 19.09.17

Ռուս-բելառուսական «Արևմուտք-2017» զորավարժությունների ժամանակ Կա-52 ուղղաթիռը պատահաբար հրթիռակոծության է ենթարկել Սանկտ Պետերբուրգի մոտ՝ «Լուժսկիյ» պոլիգոնի մոտակայքում գտնվող հանդիսատեսին, գրում է meduza.io-ն:


66.ru կայքի տեղեկություններով՝ երկու մարդ ստացել է ծանր վնասվածքներ:


Պորտալի աղբյուրը ենթադրություն է հայտնել, որ «երկինք-երկիր» դասի հրթիռի արձակումը պատահաբար է տեղի ունեցել՝ անսարքության պատճառով:


Զրուցակցի խոսքով՝ վիրավորները լրագրողներ են:


Դեպքը, ինչպես ենթադրվում է, տեղի է ունեցել սեպտեմբերի 17-ին կամ 18-ին: Պաշտոնապես այդ մասին ոչինչ չի հաղորդվել:


Հիշեցնենք, որ ռուս-բելառուսական «Արևմուտք-2017» համատեղ զորավարժությունները սկսվել են սեպտեմբերի 14-ին: Դրանց մասնակցում է մոտ 13 հազար զինծառայող, նրանց մեծ մասը՝ բելառուս, մինչև 70 ուղղաթիռ և ինքնաթիռ, մոտ 250 տանկ և մինչև 10 ռազմանավ: