Թուրքիայի կրոնական գործերի վարչությունն անձրևի համար համազգային աղոթք է հայտարարել
Թուրքիայի կրոնական գործերի բարձրագույն պետական մարմնի նախաձեռնությամբ երկրի բոլոր իմամաներն ուրբաթօրյա աղոթքից հետո, իրենց ժողովների ընթացքում, պիտի աղոթեն անձրևի համար, հայտնում է Ahval թերթը:
Ուրբաթօրյա աղոթքներն անվանվել են «Ջուր. Կյանքի և առողջության աղբյուր», հայտնում է Կրոնական գործերի վարչությունը, որն ամեն շաբաթ տարածում է աղոթքի տեքստը՝ ավելացնելով, որ իմամները պետք է քարոզ են ջրի վատնման վատ հետևանքների մասին:
Անցյալ շաբաթ կենտրոնական Քոնիայի ագարակատերերն ու գյուղատնտեսական ասոցիացիաները նախազգուշացրել էին տեղումների պակասի պատճառով առաջացած գյուղատնտեսական խնդիրների մասին: Ըստ Քոնիայի Սելջուկ համալսարանի Գյուղատնտեսական ֆակուլտետի աշխատակից Սուլեյման Սոյլուի՝ անձրևի պակասը լուրջ վնասներ է հասցրել ցորենի և գարու բերքին:
Վերոնշյալ նախաձեռնությունից բացի, Կրոնական գործերի վարչությունը նաև կոչ է արել չայցելել մզկիթներ վարակակիր կամ վարակակրի անմիջական շրջաապատում լինելու դեպքում:










