Իսպանական Սանտա Պաու քաղաքը ճանաչել է Արցախի Հանրապետության անկախությունը

22:31 • 19.12.20

Իսպանիայի Խիրոնա նահանգի Սանտա Պաու քաղաքի վարչակազմը ճանաչել է Արցախի Հանրապետության անկախությունն ու ինքնիշխանությունը՝ ընդունելով «Բարսելոնայի հայկական մշակութային միության» ներկայացրած միջնորդագիրը։ Այս մասին տեղեկանում ենք Իսպանիայում ՀՀ դեսպանության ֆեյսբուքյան պաշտոնական էջից:

Հաղորդվում է, որ Սանտա Պաու քաղաքը նաև դատապարտել է 2020թ․սեպտեմբերի 27-ից Արցախի Հանրապետության նկատմամբ Ադրբեջանի սանձազերծած ռազմական ագրեսիան և Թուրքիայի ակտիվ միջամտությունը, ինչպես նաև ադրբեջանական զինուժի կողմից իրագործված ռազմական հանցագործությունները։

Հիշեցնենք, որ օրեր առաջ Իսպանիայի Կաստեյո դե լա Պլանա քաղաքի քաղաքային խորհուրդը միաձայն ընդունել էր Հայոց ցեղասպանությունը ճանաչող և դատապարտող հայտարարություն։