Սեյշելյան կղզիները պատրաստ են ընդունել ցանկացած երկրից ժամանող զբոսաշրջիկների, սակայն միայն կոնորավիրուսի դեմ պատվաստված լինելու դեպքում
Սեյշելյան կղզիները բաց են աշխարհի ցանկացած վայրից ժամանող զբոսաշրջիկների համար, եթե նրանք ստացել են հակակորոնավիրուսային պատվաստանյութի երկու չափաբաժինները: Այս մասին հայտնում է Seychelles լրատվական գործակալությունը:
Հստակեցվում է՝ զբոսաշրջիկները պետք է ապացույց ներկայացնեն պատվաստված լինելու մասին:
Այնուամենայնիվ, կղզիների զբոսաշրջության նախարար Սիլվեստեր Ռադեգոնդե խոսքով, զբոսաշրջիկները բացի պատվաստվելուց, պետք է ներկայացնեն բացասական ՊՇՌ թեստ, որը հանձնել են մեկնումից առաջ 72 ժամվա ընթացքում:
«Հուսով ենք, որ սրանով տեղի բնակիչների և հատկապես փոքր հյուրանոցների համար կբացվի զբոսաշրջային արդյունաբերությունը», - բացատրել է Ռադեգոնդեն:
Նշենք՝ մարտի կեսերին կղզիներ այցելող զբոսաշրջիկներին հավանաբար անհրաժեշտ կլինի միայն բացասական ՊՇՌ թեստ հանձնել, քանի որ երկիրը նախատեսում է պատվաստել տեղի բնակչության 70 տոկոսին և հասնել հավաքական իմունիտետի ձեռքբերման:










