Ֆրանսիայում սուսերով զինված տղամարդը ոստիկանի է վիրավորել
Ֆրանսիայի Նանտ քաղաքում սուսերով զինված տղամարդը վիրավորել է ոստիկանի, հայտնում է «ՌԻԱ Նովոստի» լրատվական գործակալությունը:
«Մեր պարեկախումբը առերեսվեց չափազանց հուզված անձի, որը զինված էր սուսերով: Ձերբակալության ընթացքում մեկ ոստիկան վիրավորվեց ազդրից և աճուկից», - ասված է ոստիկանության տարածած հաղորդագրության մեջ:
Նշված է, որ իրավապահները դեպքի վայր են ժամանել՝ ամուսինների վեճի մասին կանչ ստանալուց հետո:
Ֆրանսիական «Ֆիգարո» թերթը գրել է, որ դեպքը տեղի է ունեցել շաբաթ օրը և բերման ենթարկված տղամարդը թմրանյութերի ազդեցության տակ է գտնվել: Նա դատարան է ներկայանալու երեքշաբթի օրը:










