Պակիստանում քրիստոնյա բուժքույրին կապկպել են և խմբակային ծեծի ենթարկել՝ նրան մեղադրելով աստվածանարգության համար (տեսանյութ)
Պակիստանի հիվանդանոցներից մեկում 30-ամյա քրիստոնյա բուժքույր Տաբիթհա Նազիր Գիլլը կապվել և խոշտանգվել է ամբոխի կողմից այն բանից հետո, երբ մուսուլման կոլեգան նրան կեղծ մեղադրել է աստվածանարգության համար: Այս մասին գրում է rabwah.net-ը:
Կնոջը ծեծել են Պակիստանի Սոբրահ ծննդատանը, որտեղ նա աշխատում էր ավելի քան 9 տարի: Գլխավոր բուժքույրը նման վերաբերմունքի է արժանացել այն բանից հետո, երբ իր կոլեգային քննադատել է հիվանդից գումար վերցնելու համար:
Սոցիալական ցանցերում հրապարակված տեսանյութում երևում է, թե ինչպես է ամբոխը, այդ թվում՝ կանայք, ծեծում իրենց գործընկերուհուն:
Ըստ որոշ տեղեկությունների՝ խոշտանգումների ենթարկվելու ընթացքում կինը կապված է եղել աթոռին ու սենյակից դուրս գալու որևէ հնարավորություն չի ունեցել:
Հիշեցնենք՝ Պակիստանում Աստծուն անարգելու վերաբերյալ կեղծ մեղադրանքները լայն տարածում ունեն: Դրանց հիմնական դրդապատճառն անձնական վրեժխնդրությունն ու կրոնական ատելությունն է: Նման մեղադրանքները շատ հաճախ զանգվածային ցույցերի և դաժան սպանությունների պատճառ են դառնում:
Blasphemy accused Tabeeta Nazir Gill is beaten up by a mob of staff members at the Sobhraj Maternity hospital: pic.twitter.com/vPQHB0ONgD
— Naila Inayat (@nailainayat) January 29, 2021










