Բայդենն ԱՄՆ պետքարտուղարի օգնականի պաշտոնում մտադիր է առաջադրել Զիմբաբվեում ԱՄՆ ներկայիս դեսպանի թեկնածությունը. AP

05:50 • 03.02.21

ԱՄՆ նախագահ Ջո Բայդենը պետքարտուղարի օգնականի պաշտոնում մտադիր է առաջադրել Զիմբաբվեում ԱՄՆ ներկայիս դեսպանի՝ Բրայեն Նիքոլսի թեկնածությունը, ТАСС-ի փոխանցմամբ՝ հաղորդում է Associated Press-ը:

Հաղորդվում է, որ այդ մասին Բայդենը կհայտարարի եկող շաբաթվա ընթացքում:

Եթե նրա թեկնածությունը հաստատվի, ապա Նիկոլսը կլինի առաջին աֆրոամերիկացին, որը Թերենս Թոդմանից հետո՝ շուրջ 50 տարի անց, կզբաղեցնի այդ պաշտոնը:

Նիկոլսը 2020 թ. ամռանը դատապարտել էր ամերիկյան ոստիկանության կոշտ գործողությունների ԱՄՆ սևամորթ քաղաքացիների նկատմամբ և նման հայտարարություններով հանդես էր եկել, երբ Միացյալ Նահանգներում զանգվածային ցույցեր էին:

Արտերկրում պաշտոնավարող ԱՄՆ դեսպանները, սովոորաբար, հազվադեպ են հրապարակայնորեն անդրադառնում ԱՄՆ-ում կատարվող ներքին գործընթացներին: