Եգիպտոսում հարսնացուն հարսանիքից մի քանի ժամ առաջ մահացել է
Եգիպտոսում հարսնացուն հարսանիքից մի քանի ժամ առաջ մահացել է սրտի կաթվածից։ Այս մասին հայտնում է «ՌԻԱ Նովոստի» լրատվական գործակալությունը՝ հղում տալով եգիպտական Youm7 թերթին:
Դեպքը տեղի է ունեցել երկրի կենտրոնական մասում գտնվող Բենի Սուեյֆ նահանգում:
Ըստ թերթի հայտնած տեղեկությունների, հարազատները 28-ամյա աղջկան գտել են իր սենյակում անգիտակից վիճակում: Հաղորդվում է, որ նա երկար ժամանակ դուրս չի եկել սենյակից և չի պատասխանել դռան թակոցին, ինչի համար էլ ընտանիքը ստիպված է եղել կոտրել դուռը:
Բժշկի եզրակացության համաձայն` աղջիկը մահացել է սրտի կաթվածից:










