Երբ ոստիկանությունը մաքրենք անգրագետներից, Նիկոլ Փաշինյանը, որպես «դուխով տղա» չի կարողանա այլևս թաքնվել ոստիկանության հետևում. Գևորգ Պետրոսյան (տեսանյութ)
Ես միշտ հարգանք եմ տածել իրավապահ մարմինների նկատմամբ, բայց վերջին շրջանում ոստիկանության գործողութjունները ստիպում են նահանջել այդ հարգանքից. ամենավայրագ ձևով անհամաչափ միջամտություն ունենալ քաղաքացիների կողմից իրականացվող խաղաղ հավաքներին ուղղակի անթույլատրելի է իրեն իրավական և ժողվորդավարական հռչակած պետության համար: Այս մասին հրավիրված ասուլիսին ասաց ԱԺ «Բարգավաճ Հայաստան» կուսակցության պատգամավոր Գևորգ Պետրոսյանը:
Նրա կարծիքով՝ Ոստիկանությունը պետք է մաքրել անկիրթ մարդկանցից: «Ոստիկանական համակարգում սովետական միությունից եկել է պետի պաշտամունքի ինստիտուտը: Երեկ չէ, առաջին օրը ԱԺ դարպասների մոտով անցնում եմ, 2 ստրկամիտ համազգեստավոր երկու աղջկա են կանգնացրել: Աղջիկներից մեկը ցուցանակը մի տեղից հանել էր, մյուս տեղն էր դրել, դրա համար նրան հետապնդում էին: Ասում եմ՝ տղա ջան, ի՞նչ է կատարվել, ասում է՝ մեզ հանձնարարել են նման դեպքերի հանդեպ ուշադիր լինել: Դու երդվել ես ոստիկանության շարքերն անցնելուց Նիկոլ Փաշինյանի՞ն ծառեյես, թե՞ ՀՀ շահերին»,- պատմեց Պետրոսյանը:
«Երբ մենք ոստիկանությունը մաքրենք անգրագետներից ու ստրկամիտներից, Նիկոլ Փաշինյանը, որպես «դուխով տղա», այլևս չի կարող էլ թաքնվել ոստիկանության հետևում, որովհետև ոստիկանությունը կասի՝ մենք պաշտպանում ենք պետական ինստիտուտները, ՀՀ Սահմանադրությունը և առաջին հերթին՝ ՀՀ ժողովրդի և ՀՀ շահերը»,- շեշտեց նա:
Գևորգյանը ընդգծեց՝ այսօր Հայաստանի գլխավոր հանցագործը՝ Նիկոլ Փաշինյանը, պետական դավաճանը, ազատության մեջ է, իր ընտանիքն էլ ազատ ման է գալիս այստեղ այնտեղ, իսկ մարդկանց ազատ հավաքին մասնակցելու համար տանում են ոստիկանության բաժիններ. «Ինչի՞ համար, ո՞վ է տալու այս ամեն ինչի պատասխանը: Ինքը ահավոր վախեցած է, որովհետև միշտ ակնհայտ վախի մեջ գտնվող անձն է անցեզուր շարժումներ անում»,- հավելեց նա:
Մանրամասները՝ տեսանյութում:










