Գազաբալոնի պայթյունից այրվածքներ ստացած զինծառայողի վիճակը շարունակում է մնալ ծանր, քննություն է տարվում՝ դեպքի հանգամանքները պարզելու նպատակով. ՊՆ

12:51 • 26.08.22

Օգոստոսի 25-ին գազի բալոնի բռնկման հետևանքով այրվածքներ ստացած պայմանագրային զինծառայողի վիճակը շարունակվում է մնալ ծանր։ Այս մասին Tert.am-ին հայտնեց ՊՆ մամուլի քարտուղար Արամ Թորոսյանը։

«Զինծառայողը բուժումը ստանում է Այրվածքաբանության ազգային կենտրոնում։
Դեպքի հանգամանքները լիարժեք պարզելու նպատակով քննություն է ընթանում»,- ասաց նա:

Հիշեցնենք, որ երեկ՝ օգոստոսի 25-ին, ՀՀ ՊՆ N զորամասի պայմանագրային զինծառայող, սերժանտ Ա. Մ.-ն մեքենայի թափքում տեղադրված կենցաղային գազի բալոնի բռնկման հետևանքով ստացել է այրվածքներ: