Արգենտինայի նախագահի ինքնազգացողությունը վատացել է G20 գագաթնաժողովի բացումից հետո

09:44 • 15.11.22

Արգենտինայի նախագահ Ալբերտո Ֆերնանդեսը բարձր ճնշման և գլխապտույտի պատճառով դիմել է բժիշկներին Ինդոնեզիայի Բալի քաղաքում G20-ի գագաթնաժողովի բացումից հետո։ Այս մասին հայտնում է նախագահի աշխատակազմի մամուլի ծառայությունը, փոխանցում է ՏԱՍՍ-ը։

Ինչպես նշված է Արգենտինայի ղեկավարի ուղեկցող բժշկի ստորագրած հաղորդագրության մեջ, նախագահի բողոքների առնչությամբ որոշվել է ախտորոշիչ հետազոտություն անցկացնել՝ բարդություններից խուսափելու համար։

Clarin թերթի փոխանցմամբ՝ G20-ի գագաթնաժողովի առաջին օրվա ընթացքում Ֆերնանդեսի փոխարեն Արգենտինան կներկայացնի արտգործնախարար Սանտյագո Կաֆիերոն։