Իսպանիայի ոստիկանությունը կալանել է չորս տոննա հաշիշով բեռնված բրիտանական առագաստանավը

23:51 • 27.12.22

Իսպանիայի ոստիկանությունը կալանել է բրիտանական առագաստանավ, որը տեղափոխում էր 4,4 տոննա հաշիշ։

«Ազգային ոստիկանության գործակալները Եկամուտների գործակալության մաքսային ծառայության հետ համատեղ և Մեծ Բրիտանիայի հանցավորության դեմ պայքարի ազգային գործակալության մասնակցությամբ ավելի քան չորս տոննա հաշիշ են առգրավել Կադիսի ծոցում բրիտանական առագաստանավում», - ասվում է Իսպանիայի ոստիկանության մամուլի հաղորդագրությունում:

Ոստիկանության տվյալներով՝ նավը գնացել է Մարոկկոյի արևմտյան ափ՝ թմրանյութեր բեռնելու համար, սակայն ավելի ուշ եղանակային պայմանների պատճառով ստիպված է եղել վերադառնալ իսպանական ջրեր։

Գործողության ընթացքում կալանավորվել է անձնակազմի երկու անդամ Մեծ Բրիտանիայից, որոնք, իբր, պետք է մեկնեին Լատինական Ամերիկա։