ԱՄՆ-ն Խաղաղ օվկիանոսում թմրանյութերի ապօրինի շրջանառությամբ զբաղվող երեք նավ է խոցել

09:49 • 29.10.25

ԱՄՆ զինված ուժերը Խաղաղ օվկիանոսում ոչնչացրել են թմրանյութերով լի չորս նավակ։ ԱՄՆ ռազմական նախարար Փիթ Հեգսեթի խոսքով՝ զինվորականները իրականացրել են երեք հարված, որի հետևանքով զոհվել է 14 մարդ։

«Պաշտպանության նախարարությունն ավելի քան երկու տասնամյակ է, ինչ պաշտպանում է օտար տարածքները։ Հիմա մենք պաշտպանում ենք մեր սեփականը։ Այս ահաբեկիչներն ավելի շատ ամերիկացիների են սպանել, քան «Ալ Քաիդան»»,- գրել է Հեգսեթը։

Նա պարզաբանել է, որ հետախուզությունը նախնական հաստատել է, որ նավերը հետևում էին թմրանյութերի ապօրինի շրջանառության ուղիներին և դրանց վրա թմրանյութեր էին։

Ավելի վաղ Հեգսեթը հայտնել էր, որ ԱՄՆ-ն Կարիբյան ծովում ոչնչացրել է «Տրեն դե Արագուա» թմրամիջոցների կարտելի պատկանող նավ, որը ԱՄՆ-ում համարվում է ահաբեկչական կազմակերպություն։