Facebook-ը հաղթահարել է 500 մլն օգտատերերի շեմը

Facebook սոցիալական ցանցը հասել է 500 մլն ակտիվ օգտատերերի շեմին։ Այս մասին երեկ հայտարարել է վեց տարի առաջ ստեղծված ընկերության հիմնադիր և գլխավոր գործադիր տնօրեն Մարկ Ցուկերբերգը:

«Այսօր 500 մլն մարդ ամբողջ աշխարհում ակտիվորեն օգտագործում են Facеbook-ը իրենց ընկերների և իրենց շրջապատի մարդկանց հետ կապի մեջ մնալու համար», ասել է Ցուկերբերգը։

Ահա որոշ կարևոր փաստեր Facеbook-ի գործունեության վերաբերյալ.

• Օգտատերերի կեսը ամեն օր մտնում է Facеbook

• Միջին օգտատերը 130 ընկեր ունի

• Ամեն ամիս միջին օգտատերը մոտ 90 անգամ նկարներ, ինտերնետային կայքերի լինքեր, հոլովակներ և նորություններ է փոխանցում կամ այլ կոնտենտ է ստեղծում

• 1 մլն ծրագրավորողներ ստեղծել են Facеbook-ի 550 000 հավելված։

• 10 օգտատերերից 3-ը Facеbook են մտնում իրենց բջջային հեռախոսներով, և այս օգտատերերը երկու անգամ ավելի ակտիվ են անհատական համակարգիչներով սոցիալական ցանց մուտք գործողներից։