Սուխումում թուրքական քոլեջը փակում են Մոսկվայի ճնշմամբ

Մոսկվայի ճնշմամբ Սուխումի իշխանությունները փակում են թուրքական քոլեջը։ Այժմ սովորողների ծնողները Աբխազիայի ղեկավար Սերգեյ Բաղապշի աջակցությունն են խնդրում, որպեսզի դպրոցի աշխատանքները շարունակվեն։ Ինչպես հայտնում է kavkasia.net-ը, նրանք համոզված են, որ քոլեջի փակման նախաձեռնողները դրա հիմնադիրները չեն։

Ծնողները մեղավոր են համարում կրթության նախարար Ինդիրա Վարդանիային։ Փորձագետների կարծիքով՝ թուրքական դպրոցի փակման մասին որոշումն ընդունվել է Մոսկվայի ճնշման ներքո։

Աբխազիայում թուրքերեն լեզվի և իսլամական մշակույթի տարածումը Ռուսաստանի շահերից չի բխում։ Բաշարան քոլեջը հիմնադրվել է 1994թ., սկսել է աշխատել 1995-ին։ Ի սկզբանե ծրագրվում էր, որ կրթական հաստատությունը կգործի երկար տարիներ։

Քոլեջի շրջանավարտները շարունակում էին իրենց կրթությունը թուրքական և ռուսական բուհերում։ Ռուսական հատուկ ծառայությունները այն դիտարկում էին որպես Աբխազիայում թուրքական շահերի պաշտպանության և իսլամի տարածման մասնագետների պատրաստման հաստատություն, ինչը, ընդհակառակը, հակասում է Ռուսաստանի շահերին։