Ռադիացիայի հետևանքները. Ֆուկուսիմայի տարածքում անականջ ճագար է ծնվել (տեսանյութ)

Ճապոնական «Ֆուկուսիմա 1» ատոմակայանի շրջակայքում, որտեղ վթարի պատճառով ռադիացիոն արտահոսք էր տեղի ունեցել, առանց ականջների ճագար է ծնվել։

Արտասովոր տեսքով կենդանին ծանր տպավորություն է գործել շրջակա բնակավայրերի մարդկանց վրա։

Իտալական Corriere della Sera Corriere TV թերթը, որի կայքում տեղադրված է տեսանյութը, հաղորդում է, որ մարդիկ սարսափի մեջ են. ծնողները վախենում են, որ իրենց երեխաները կարող են ծնվել գենետիկ արատներով։

Մարտի 11-ին Ճապոնիայում տեղի ունեցած երկրաշարժից և ցունամիից հետո վթար առաջացավ «Ֆուկուսիմա 1» ատոմակայանում, որի հետևանքով տեղի ունեցավ ռադիացիայի արտահոսք։ Վթարից անմիջապես հետո երկրի իշխանությունները ատոմակայանից 20, այնուհետև 30 կմ շառավղով տարհանեցին բնակչությանը։