Anonymous–ի հակերները նախազգուշացնում են Իսպանիային. «Սպասեք մեզ»

Այն բանից հետո, երբ իսպանական ոստիկանությունը ձերբակալեց Anonymous խմբի երեք հակերներին, խումբը սկսել է Իսպանիային ուղղված սպառնալիքներ տարածել, հայտնում է The Huffington Post–ը։

«V–ն (խմբի տարբերանշանը) Իսպանիայում է...մենք լեգեոն ենք, ուստի՝ սպասեք մեզ»,– ասվում է խմբի՝ Twitter–ում թողած հաղորդագրությունում։

Հակերների այս խմբին կասկածում են իսպանական երկու բանկերի, Եգիպտոսի, Լիբիայի, Իրանի պետական ձեռնարկությունների, ինչպես նաև Sony ընկերության դեմ հարձակումներ իրականացնելու մեջ։