Հաքերները կոտրել են Apple-ի սերվերը

Համակարգչային հաքերների մի խումբ երեկ Twitter–ի միկրոբլոգում հրապարակել է մի փաստաթուղթ, որում հայտնել է, որ իրենց տրամադրության տակ են հայտնվել Apple–ի սերվերներից մեկի ծածկագրերն ու օգտահաշիվները։

Ինչպես հայտնում է The Wall Street Journal–ը, AntiSec անունը կրող հաքերային խումբը, որը բաղկացած է Anonymous և Lulz Security խմբերի ներկայացուցիչներից, այս փաստաթղթում հրապարակել է Apple–ի ենթադրյալ սերվերի հղումը և վարչական իրավունքներով օժտված՝ 26 օգտահաշիվներ ու ծածկագրեր պարունակող ցուցակը։

Հաքերների խոսքերով՝ նրանք Apple–ի սերվերների մատչումն ստացել են կալիֆոռնիական Cupertino և այլ ընկերությունների կողմից օգտագործվող ծրագրի անվտանգության համակարգում առկա թերության շնորհիվ։

«Բայց մի անհանգստացեք, մենք այժմ այլ գործեր ունենք»,–ասել են հաքերները։

Apple–ում, սակայն, հրաժարվել են մեկնաբանել հաքերային այս հայտարարությունը։