Էրիկ Շմիդտը ապշել է՝ իմանալով, որ ինֆորմատիկան բրիտանական դպրոցներում պարտադիր առարկա չէ

11:11 • 27.08.11

Google ընկերության տնօրենների խորհրդի նախագահ Էրիկ Շմիդտը հայտարարել է, որ թվային մեդիայի վրա հիմնված նոր գլոբալ տնտեսության պայմաններում Մեծ Բրիտանիայում գործող կրթական համակարգը նվազեցնում է երկրի` հաջողության հասնելու հնարավորությունները, հետևաբար պետք է փոխվի։

Ինչպես հաղորդում է «Բի-Բի-Սի»-ն, ելույթ ունենալով Էդինբուրգում, Շմիդտն ասել է, որ Բրիտանիան պետք է երիտասարդության շրջանում հետաքրքրություն առաջացնի գիտության, ինժեներական արվեստի և մաթեմատիկայի նկատմամբ։

Նա նաև նշել է, որ ապշել է, երբ իմացել է, որ բրիտանական դպրոցներում ինֆորմատիկան պարտադիր առարկաների ցանկում չէ։