Վրաստանում հայտնաբերվել են հսկա մարդկանց ոսկորներ

Հնագետները Վրաստանի Բորժոմիում հայտանբերել են հսկա մարդկային ոսկորներ, որոնց տարիքը 25 հազար տարի է:

Գիտնականները պնդում են, որ հսկա մարդկանց հասակը կարող էր տատանվել 2,5-ից 3 մետրի սահմաններում, հաղորդում է Росбалт-ը:

Վրաստանի Ակադեմիայի ակադեմիկոս Աբեսալոմ Վեկուան ասել է, որ հսկա մարդու ազդրոսկրը տարբերվում է ժամանակակից մարդու համանուն ոսկրից իր հաստությամբ և երկարությամբ:

«Այդ մարդիկ ապրել և զարգացել են այլ քաղաքակրթություններից առանձին, այդ իսկ պատճառով տարբերվել են իրենց հասակով: Գիտական գրականությունում նրանք հիշատակվում են որպես հսկաներ, սակայն այդ հիպոթեզն ապացուցող փաստեր մենք մինչ օրս չունեինք»,-ասել է նա:

Հիշեցնենք, որ նախորդ տարի գերմանացի գիտնականները հայտնաբերել էին հնագույն մարդկանց նոր տարատեսակ, որոնք ապրել են 48-30 հազար տարի առաջ Հարավային Սիբիրի տարածքում: