Եվրոպացիների 38 տոկոսը հոգեկան խանգարում ունի

Եվրոպացի գիտնականների ուսումնասիրությունները ցույց են տվել, որ եվրոպացիների մոտ 38 տոկոսը նյարդաբանական և հոգեկան խանգարումներով է տառապում։

«Այդ ցուցանիշը (38 տոկոսը) վկայում է այն մասին, թե հասարակությունը որքան է սթրեսների ենթարկվում»,– ասել է  Առողջապահության համաշխարհային կազմակերպության եվրոպական բյուրոյի փորձագետ Մեթ Մույենը։

Ուսումնասիրություններին եվրոպական երկրների ավելի քան 500 մլն բնակիչ է մասնակցել։

Գիտնականները 165 մլն մարդու մոտ 90–ից ավելի տարբեր շեղումներ են հայտնաբերել, այդ թվում՝ անքնություն, դեեպրեսիաներ, ինչպես նաև ալկոհոլային և թմրանյութային կախվածություն։

Ինչպես հաղորդում է ռուսական Gazeta.ru կայքը, նրանց մեծ մասը բժշկական օգնություն չի ստանում, մինչդեռ բոլոր դեպքերում հոգեբույժների միջամտությունն անհրաժեշտ է։