Google–ը սոցկայքերի նորությունների «ամսագիր» է ստեղծում

Ամերիկյան Google ընկերությունը հավելված կթողարկի՝ նորություններ կարդալու համար, որոնք սոցիալական կայքերում «կիսում են» օգտատերերի ընկերները։ Այս մասին Facebook–ի իր էջում գրել է Google+ –ի տեխնոբլոգեր Ռոբերտ Սքոլբը։

Նրա խոսքերով՝ նոր Google ծրագիրն իր գործառույթներով նման է iPad–ի Flipboard ծրագրին։ Այն սոցկայքերից նորություններ է հավաքում և լցնում դրանք վիրտուալ ամսագրի մեջ, որը հարմար է կարդալ պլանշետի էկրանի վրա։

Flipboard–ը համարվում է App Store–ի ամենահայտնի հավելվածներից մեկը, որի համար Apple–ի կողմից արժանացել է 2010–ի «տարվա ծրագիր» կոչմամը։

Ի տարբերություն Flipboard–ի՝ Google–ի հավելվածը կաշխատի ինչպես iPad–ի, այնպես էլ՝ Android հիմքով պլանշետների վրա։
All Things Digital բլոգը, վկայակոչելով սեփական աղբյուրները, փոխանցում է, որ նորույթը կստանա Propeller անվանումը։