Ապագա զինվորները ամեն հինգշաբթի բողոքի ցույց կանցկացնեն կառավարության շենքի մոտ (տեսանյութ)

Կառավարության շենքի առջև այսօր բողոքի ցույց անցկացրին հայկական զինված ուժերում պարբերաբար տեղի ունեցող սպանություններից ու մահվան այլ դեպքերից վրդովված երիտասարդները: Նրանցից ոմանք բուհերի ուսանողներ էին և ապագա զինծառայողներ: Ակցիան կազմակերպվել է Facebook սոցիալական ցանցում։ Երիտասարդները հայտարարեցին, որ յուրաքանչյուր հինգշաբթի Կառավարության գլխավոր մասնաշենքի դիմաց ցույց են անցկացնելու, մինչև սպանությունները չդադարեն և մեղավորները չստանան իրենց արժանի պատիժը: