2030թ. աշխարհում յուրաքանչյուր 10–րդ մեծահասակը շաքարային դիաբետ է ունենալու

Մինչև 2030թ. աշխարհում յուրաքանչյուր տասներորդ մեծահասակը շաքարային դիաբետ է ունենալու։ Ինչպես հաղորդում է բրիտանական Reuters գործակալությունը, այս մասին ասված է Շաքարային դիաբետի միջազգային ֆեդերացիայի հրապարակած զեկույցում։

Զեկույցի համաձայն՝  շաքարային դիաբետով հիվանդների թիվը մինչև 2030թ. 552 միլինով ավելանալու է, եթե պրոֆիլակտիկ շտապ միջոցառումներ չձեռնարկվեն։ Այդպիսով,  յուրաքանչյուր 10 վայրկյանը մեկ բժիշկները այդ հիվանդության 3 նոր դեպք են արձանագրելու։ Դիաբետի առաջացման համար մեծամասամբ պատճառ է հանդիսանալու վատ սնվելը, ճարպակալումը և ոչ բավարար ֆիզիկական ծանրաբեռնվածությունը։

Յուրաքանչյուր տարի դիաբետի հետևանքով մոտ 4.6 մլն մարդ է մահանում։