iPhone 5, iPad 3 և նոր Apple TV

Վերջերս մշակողների համար թողարկված iOS 5.1 օպերացիոն համակարգի բետա-տարբերակներից մեկում գտնվել են Apple-ի դեռևս չթողարկված սարքերի մասին տեղեկություններ: Այսպես, ՕՀ-ի կոդում կա «iPad2,4» անվանումը, որը կարող է նշանակել պլանշետի հատուկ տարբերակ, որը նախատեսված կլինի ամերիկյան Sprint օպերատորի անլար ցանցերի համար:

iOS-ի բետա-տարբերակում կան նաև «iPad3,1» և «iPad3,2» անվանումները, որոնք հայտնվել են iOS-ի նախորդ տարբերակներում ևս, սակայն դրանց նշանակությունը դեռևս անհայտ է: Ամենայն հավանականությամբ՝ դրանք հաջորդ սերնդի iPad-ներն են: Օպերացիոն համակարգում հիշատակվել է նաև «J33» կոդային անվանումը, որը , հավանաբար, վերաբերում է Apple TV-ի նոր տարբերակին:

Եվ վերջապես, iOS 5.1-ում գտնվել է «iPhone5,1» անունը, ինչը կարող է նշանակել, որ Apple-ն, այնուամենայնիվ, կթողարկի երկար սպասված մոդելը: BGR-ն գրում է, որ 5-րդ սերնդի սմարթֆոնը կունենա ալյումինե կմախք, ավելի հզոր պրոցեսոր և 4 դյույմանոց Sony կամ Hitachi էկրան:

PCnews.am