Էլեկտրաշոկային թերապիան օգնում է հաղթահարել դեպրեսիան. հետազոտություն

Ըստ Աբերդինի համալսարանի գիտնականների զեկույցի` էլեկտրոշոկային թերապիան(ԷՇԹ) օգնում է հաղթահարել ընկճախտը: Հետազոտության արդյունքում պարզվել է, որ էլեկտրաշոկային թերապիայի ընթացքում գերակտիվ կապ է սկսվում տրամադրության, մտածողության և կենտրոնանալու համար պատասխանատու` ուղեղի համապատասխան մասերի միջև, ինչի արդյունքում դեպրեսիայի ճնշող ազդեցությունը վերանում է` մարդուն թույլ տալով վայելել կյանքը, գրում է Daily Mail-ը, մեջբերելով  Proceedings of the National Academy of Sciences ամսագրում հրապարակված հոդվածի տեղեկությունները:

Բուժման այս վիճահարույց եղանակն առաջին անգամ ներկայացվել է 1938թ.-ին իտալացի նյարդաբան Ուգո Կարլետիի կողմից, ում ներշնչել է այն փաստը, որ էլեկտրաշոկային թերապիայի ենթարկվելուց հետո կենդանիներն ավելի հնազանդ են դառնում և «բարձր տրամադրությամբ ինքնակամ են գնում սպանդանոց»:

Կարլետին այս մեթոդն օգտագործելով շիզոֆրենիայով և էպիլեպսիայով հիվանդների վրա, նկատել է, որ նույն արդյունքը նկատվում է նաև մարդկանց մոտ` նրանք ավելի հանգիստ և կառավարելի են դառնում:

Գիտնականները համոզված են, որ այս բացահայտումն կնպաստի հետագայում ԷՇԹ-ին հավասարազոր դեղամիջոցի ստեղծմանը: 

Proceedings of the National Academy of Sciences ամսագրում հրապարակված