Մանկական կերերն օգտակար նյութեր գրեթե չեն պարունակում. հետազոտություն

Ամենահեղինակավոր մանկական կերերն իրականում այնքան էլ օգտակար չեն, ինչպես վստահեցնում են արտադրողները:

Գրինվիչի համալսարանի աշխատակիցների հետազոտությունը պարզել է, որ կերերում գրեթե չկան այն կարևոր ու օգտակար նյութերը, որոնք անհրաժեշտ են երեխայի նորմալ աճի, զարգացման ու հիվանդություններից պաշտպանության համար, գրում է The Daily Mail-ը:

Կերերի որոշ ապրանքանիշերում բացակայում է անհրաժեշտ կալցիումի, մագնիումի, ցինկի, երկաթի, կալիումի, նատրիումի նույնիսկ մեկ հինգերորդ մասը: Պարզվել է, որ դրանցում կալցիումի չափաբաժինը 3% է, ցինկինը` 7, երկաթինը` 6 %:

Ստացվում է, որ, եթե երեխային կերակրել միայն այդ կերերով, նրա մոտ կարող է սկսվել վիտամինի պակաս և ի հայտ գալ զարգացման շեղումներ: