Եղանակն՝ այսօր
Գերմանացի գիտնականները աշխարհում առաջին «ինտելեկտուալ» ավտոդողերն են ստեղծել
Լայպցիգի կիրառական գիտությունների համալսարանի գիտնականները փորձում են ավարտին հասցնել աշխարհում առաջին «ինտելեկտուալ» ավտոդողերի ստեղծումը, որոնք կարող են ինքնուրույն հարմարվել եղանակային պայմանների փոփոխությանը:
Նման անվադողի նախատիպը ստեղծողները ներկայացրել են այս օրերին Հանովերում տեղի ունեցող արտադրական տոնավաճառում, հաղորդում է France-Presse գործակալությունը:
«Խելացի» անվադողերը հատուկ տվիչներով են համալրված, որոնք կարողանում են որոշել ճանապարհածածկույթի տեսակը և եղանակային պայմանները:
Այդ տվյալներին համապատասխան, անվադողը փոխում է իր պրոտեկտորի ձևն ու խորությունը: Ամենաանհավանականն այն է, որ դրանք կարող են փոփոխվել և հարմարվել եղանակային պայմաններին` նույնիսկ ավտոմեքենայի ընթացքի ժամանակ:
«Այս ամենը նշանակում է, որ ձեր մեքենան միշտ կունենա հենց այն անվադողերը, որոնք անհրաժեշտ են տվյալ իրավիճակում: Կարիք չի լինի ավելորդ վառելիք այրել կամ տառապել բարձր ձայնի պատճառով, բոլոր այդ պարամետրերը նույնպես կարելի է ավտոմատ կերպով կարգավորել: Վարորդները ստիպված չեն լինի մտածել, թե ինչպես ընտրել և երբ փոխարինել դողերը: Անվադողերը իրենց փոխարեն դա կանեն», - ասել է գիտական խմբի ղեկավար Դետլեֆ Ռիմերը:
Նման անվադողերի շուկայում հայտնվելու ժամկետների մասին դեռևս չի հաղորդվում:
Studio One