Ամերիկացին մահացած դստեր հետ շփվելու համար հոգիներ որսացող սարք է ստեղծել (տեսանյութ)
Ամերիկացի Գերի Գալկան իր մահացած դստեր հետ կապ պահպանելու համար հոգիներ որսացող սարք է ստեղծել, տեղեկացնում է «Ֆոքս Նյուզ»-ը:
Գալկան պատմել է, որ իր դստերը` Մելիսային կորցրել է երբ նա 8 տարեկան էր, բայց ստեղծած սարքի շնորհիվ այժմ միշտ զգում է դստեր ներկայությունը:
«Ոչ ոք մահացածների համար սարք չի ստեղծել»,- ասել է Գալկան, ով արդեն 30-ից ավելի հոգիներ որսալու տարատեսակ սարքեր է ստեղծել:
Որոշ մասնագետների հավաստմամբ` նման սարքերն ընդամենը խաբկանք են և չեն կարող իրականում հոգիներ որոնել:
Այդուհանդերձ, Գալկան հատուկ կայք է բացել որի միջոցով վաճառում է իր «հոգեորս» սարքը` հույս պարգևելով բոլոր նրանց, ովքեր կորցրել են իրենց հարազատներին:
Նշենք, որ սարքը վաճառվում է 79-ից 350 դոլարով:










