Աղիքային բակտերիաները մարդուն ստիպում են շատ ուտել
Շատ ուտելու համար պետք է մեղադրել աղեստամոքսային տրակտում «բնակվող» միկրոբներին: Գիտնականների կարծիքով` դրանք ազդում են օգտագործվող սննդի ծավալների վրա, գրում է New Scientist-ը:
2006թ.-ին կենսաբանները պարզել են, որ լաբորատոր գեր մկների օրգանիզմում աղիքային բակտերիաների տեսակները տարբերվել են նիհար մկների բակտերիաներից: Առավել մանրամասն պարզելու համար Փարիզի գյուղատնտեսական հետազոտությունների ազգային ինստիտուտի աշխատակիցների խումբը` Միխայ Կովասայի գլխավորությամբ, փոխել է կենդանիների բակտերիաների տեղերը: Արդյունքում` «նրբագեղ» մկնիկները, ստանալով գեր մկների բակտերիաների չափաբաժինը, սկսել են շատ ուտել ու քաշ հավաքել:
Կովասան, Կալիֆորնիայում «Փորձարարական կենսաբանություն» համաժողովի ժամանակ ներկայացնելով գյուտը, հայտնել է, որ նույնը կարող է տեղի ունենալ նաև մարդկանց հետ:










