Թրթռուն կոստյումը Օլիմպիական խաղերի ժամանակ կօգնի բրիտանացի մարզիկներին

Մեծ Բրիտանիայի Բիրմինհեմի համալսարանի գիտնականները հատուկ սենսորներով զինված MotivePro կոստյում են ստեղծել, որի տատանումները կօգնեն բրիտանացի մարզիկներին Օլիպիական խաղերի ժամանակ, տեղեկացնում է «Թելեգրաֆ»-ը:

Թրթռուն սենսորներով զինված կոստյումը բրիտանացի մարզիկներին կթույլատրվի կրել միայն մարզումների ժամանակ և կնպաստի մարզիկների մկանների տաքացմանը:

Տատանվող կոստյումի ստեղծողներից մեկը` բալետի նախկին պարող, պրոֆեսոր Ջիմ Գրեգորը նշել է, որ կոստյումի յուրահատկությունն այն է, որ այն կարող է աշխատել մարմնի ցանկացած մասում, հաշվի առնելով մարզիկի անձնական տվյալները: