Anonymous-ը հարձակում է իրականացրել Կրեմլի կայքի վրա

Anonymous-ի հայտնի խմբի ռուսական թևը հայտարարել է Կրեմլի կայքի վրա հարձակում կազմակերպելու մասին: 

Որոշ ժամանակահատված չեն գործել kremlin.ru և президент.рф կայքերը:
 

Ավելի վաղ ցանցահեննեըր հայտարարել էին, որ «միլիոնների երթի» նախօրեին կոտրելու են  ռուսական պաշտոնական կայքեր` այդպիսով իրենց աջակցությունը հայտնելով ընդդիմադիրներին:
 

Մայիսի 6-ին իրոք չեն գործել premier.gov.ru և government.ru կայքերը, սակայն դրանց աշխատանքն ամբողջությամբ չէր դադարել:

Այդ օրը հաքերային հարձակումների էին ենթարկվել նաև բազմաթիվ ռուսական լրատվամիջոցների կայքէջեր: Մայիսի 6-ին անհասանելի են եղել Дождь հեռուստաընկերության կայքը, Slon.ru-ն, Коммерсант-ը և Эхо Москвы-ն: