Սիրուհու հետ սեքսով զբաղվելիս մահն ավելի հավանական է, քան կնոջ հետ. հետազոտություն

Իտալիայի Ֆլորենցիայի համալսարանի գիտնականները երկարատև հետազոտության արդյունքում պարզել են, որ տղամարդկանց համար սիրուհու հետ սեքսով զբաղվելու ժամանակ մահվան վտանգն ավելի մեծ է, քան կնոջ հետ, տեղեկացնում է newsru.ua կայքը:

Պարզվել է, որ ոչ ամուսնական կապն ունի մի քանի ասպեկտներ` հոգեբանական, ֆիզիոլոգիական և բուն սեքսուալ: Դավաճանության ժամանակ տղամարդը ծանր սթրես է տանում, ինչը կարող է մահացության պատճառ դառնալ: Սթրեսին հաջորդում են մեղքի զգացումն ու խղճի խայթը: Հատկապես այս դեպքերում հաճախ գրացվում են սրտանոթային խնդիրներ, որոնք ինֆարկտի կամ հիպերտոնիկ ճգնաժամի են հանգեցնում:

Սիրուհու հետ ռոմանտիկ ընթրիքները նույնպես կարող են մահացության պատճառ լինել: Գիտնականների բացատրությամբ, տղամարդը սիրուհու աչքից «չընկնելու» նպատակով հաճախ է շռայլությունների դիմում, ինչի արդյունքում խախտվում է նրանց սննդակարգը, ինչն անչափ վտանգավոր է:

Իտալացի գիտնականների դիտարկումները հաստատում են նաև նրանց գերմանացի գործընկերները, որոնք նշել են, որ սիրուհու հետ սեքսի ժամանակ հանկարծակի մահացության դեպքերի 1/3-ը ալկոհոլի չարաշահման, ճարպակալման և սթրեսների հետևանք է:

Նշվում է, որ վերջերս 74-ամյա մի թայվանցի 62 տարեկան մարմնավաճառի հետ սեքսով զբաղվելիս ատամի պրոթեզը կուլ տալու հետևանքով հանկարծամահ է եղել: