Սերբ հնագետները «մամոնտների դաշտավայր» են հայտնաբերել

Սերբիայում հնագետները «մամոնտների բացառիկ դաշտավայր» են հայտնաբերել, որում առնվազն 5 հսկա գազանի կմախք կա, հայտնում է Associated Press-ը:

Տեղանքը գտնվում է Սերբիայի մայրաքաղաք Բելգիայից արևելք՝ Կոստոլակի ածխահանքի հարևանությամբ և իր տեսակի մեջ առաջինն է տարածաշրջանում: Ըստ Սերբիայի Հնագիտական ինստիտուտի՝ մամոնտների դաշտավայրը մոտ 20 ակր տարածք է զբաղեցնում՝ հիմնականում ավազածածկ:

Բրածո մամոնտները հայտնաբերվել են հանքի շրջակայքում հորատման աշխատանքների ժամանակ՝ մոտ 20 մ խորությամբ: Մամոնտներն այստեղ են ապրել տասնյակ հազարավոր տարիներ առաջ:

2009-ին նույն շրջանում հայտնաբերվել էր մեկ միլիոն տարեկան բացառիկ մամոնտի կմախք. Վիկա անունը ստացած բրածո կենդանին այսպես կոչված հարավային, առանց մազածածկույթի մամոնտ է: