Apple մինչ տարվա վերջ մտադիր է ավելի էժան iPad mini թողարկել

Apple ընկերությունը պատրաստվում է մինչ այս տարվա վերջը նոր iPad mini պլանշետային համակարգիչը թողարկել, որը կունենա ավելի փոքր չափեր և ավելի էժան գին, գրում է Bloomberg-ը:

iPad-ի նոր մոդելը կունենա 7-8 դույմ անկյունագիծ և համաձայն նախնական տվյալների` կվաճառվի Google-ի վերջերս թողարկած նոր պլանշետի` Nexus 7-ի գնով` 199 դոլար:

Այսկերպ ընկերությունը փորձում է չկորցնել ու ավելի ամրապնդել իր դիրքերը պլանշետների շուկայում և ապահովել մրցակցությունը Google-ի, Microsoft-ի և Amazon.com-ի հետ, որոնք ևս նմատիպ սարքերի արտադրությամբ են սկսել: 

Մասնագետները գտնում են, որ iPad mini-ն թողարկելու դեպքում Apple-ի հետ մրցակցող ընկերությունները բավական բարդ իրավիճակում կհայտնվեն: