Հազարավոր համակարգիչներ երկուշաբթի չեն կարողանա միանալ համացանցին

Ամբողջ աշխարհում հազարավոր ինտերնետ օգտատերեր հուլիսի 9-ին չեն կարողանա լիարժեք աշխատանքներ կատարել համացանցում, քանի որ ԱՄՆ-ի Հետաքննությունների դաշնային բյուրոն ժամանակավորպես կանջատի DNS-սերվերները, հայտնում է CBC News-ը:

Դրանք կանջատվեն DNSChanger վիրուսով վարակված համակարգիչների սպասարկման ժամկետների լրանալու բերումով:

DNSChanger վիրուսի միջոցով համացանցի օգտատերերից հնարավոր էր լինում գողանալ բանկային քարտերի տվյալները: Այս կերպ կիբեռհանցագործները 14 մլն դոլար են աշխատել:

Ամբողջ աշխարհում այդ վիրուսը վարակել է 450 հազար համակարգիչներ, որոնցից 85 հազարը՝ ԱՄՆ-ում: Խոսքը նաև ԱՄՆ Օդագնացության և տիեզերական տարածության հետազոտությունների ազգային վարչություն (ՆԱՍԱ) համակարգիչների մասին է: